Untitled Document
   
 
 
RSS
By your side .. وقفة أرابيسكية مع غزة

أنتجت إذاعة أرابيسك مؤخرا ً فيديو كليب لأغنية ( By your side   ) ، يلي غناها الفنان العالمي الكبير ( سامي كلارك ) ، مع كريم معلا ، وحكمت مارديني ، واللي اتقدمت لأبناء غزة بسبب الأحداث الأخيرة ..
الفيديو كليب تم توزيعو مجانا ً على الكتير من الإذاعات ومحطات التلفزة العربية والأجنبية ، خلال جولة فريق أرابيسك العالمية ، وعم ينعرض حاليا ً على كذا محطة وإذاعة ..
الأغنية هيي من كلمات ( كريم معلا ) ، ألحان ( فادي مارديني ) ، غرافيك ( إياد شهاب ) ، وإنتاج إذاعة أرابيسك .

 وكانت الفضائية السورية استضافت المخرجة ومديرة البرامج بإذاعة أرابيسك ( لينا الشواف ) ،ضمن البرنامج الصباحي ، يوم الجمعة الماضي ، وحكت فيها عن التغطية الأرابيسكية لأحداث غزة ، وعن الأغنية الجديد ة ..

 

 

 

 


تعليقات حول الموضوع
كريم
كينو | 16:18:47 , 2011/08/09 |   
عنجد أغانيك بيفلجو كل العيلة بتحبك.

منحبه بشوق ونحتاج الى
ابو طه | 22:38:36 , 2010/04/07 | Syrian Arab Republic  
نحن منحبك كتيييييييييييييييييير يا كريم بس بدنا روابط تحميل الاغاني اذا ممكن

الله يعطيك ألف عافية منحبك يا كريم
نور | 13:31:43 , 2009/07/26 | Syrian Arab Republic  
أغنيك كتتتتييييير حلوة بس ما بعرف منوين جيب سيدي منحبك

أرابيسك بحبك
عاشقة تامرميمي | 18:58:53 , 2009/06/17 | Syrian Arab Republic  
عنجد شكرا أنا فلسطينية من غزة كنت مع أرابيسك دايما وخصوصا مع برنامج ألوMTNاللي كان مع ريماز أما الأغنية هي حلوة كتير

الله يعطيكون العافية
راما | 00:38:28 , 2009/02/17 | Kuwait  
أحلى من هيك عمل ما رح يصير و عنجد بترفعوا الراس شكر كتير كبير للمساهمين و لأحلى إذاعة .... أرابيسك ... رموشة

ola | 20:12:12 , 2009/02/07 | Syrian Arab Republic  
عن جد الغنية بتجنن وهي لفتة كتير حلوة من كريم و الغنية كتير معبرة و بوجه تحية لكل يلي ساهمو بهل العمل و لاذاعة ارابيسك بالاخص و بقول لح تضلي دوما الاولى

the lyrics plz
nada | 00:02:28 , 2009/02/04 | Syrian Arab Republic  
الغنية حلوة وبتجنن ومعبرة اكتر من كل الاغاني العربية يللي نزلت بس بدنا اللايركس تبع الغنية تحطوها عالويب سايت لانو ما فينا عم نلحئ مع كريم

أربيسك....شغف الريادة
علاؤووووو | 23:53:55 , 2009/02/02 | Syrian Arab Republic  
عنجد الواحد ما بيعرف شو بدو يقول لانو عنجد شي بيرفع الراس كتير حلو هالعمل الفني كتير مميز وطريقته كانت مودرن وكلمات الغنية معبرة وطبعا كله بفضل طاقم اربيسك وباقي الفنانين ........بوجه تحية لكل يلي شاركوا بالعمل وتحية سبيشل لادارة اذاعة اربيسك على دعم هالفكرة وتبنيها............مني سلام انا علاء...باي

شكرا كتير
dana_besque | 09:26:22 , 2009/01/31 | Syrian Arab Republic  
شكرا كتير كتير الغنية بتجنن كتير حلوة وطبعاكلياتنا متضامنين مع اخوتنا بغزة وزعلانين عالي صرلون وكل حدا فينا ساهم وتبرع واربسك اولنا بأغانيها وبرامجا وانا على حسب ماسمعت انو اربسك رح تنتج بالمستقبل وانشاء الله من نجاح لنجاح وكلمات غنيةby your side كانت حلوة كتير وبتعبر عن معاناة اهل غزة شكرا كتير لكل من ساهم بهي الغنية


هل ترغب في التعليق على الموضوع ؟ 
الاسم :
الدولة :
عنوان التعليق :
نص التعليق :








 

أرشيف التصويتات
 
 
 

Copyright © 2007 Arabesque FM. All rights reserved.
 Powered By SyriaNobles Internet Information Network